بەڕێوەبەرایەتیی هاتوچۆی گەرمیان رایدەگەیەنێت، لەسەر رێگای كەلار- دەربەندیخان ئۆتۆمبێلێك وەرگەڕا و بەهۆیەوە شۆفێرەكەی برینداربوو.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، لەسەر ڕێگای كەلار – دەربەندیخان ئۆتۆمبێلێك وەرگەڕا و بەهۆیەوە كەسێك برینداربوو و ڕەوانەی نەخۆشخانەكرا.
ئاماژە بۆ ئەوەش كراوە، ئۆتۆمبێلەكە بە ئاراستەی قەزای دەربەندیخان ڕۆیشتووە لە نزیك ناحیەی باوەنوور كۆنترۆڵی لەدەستداو وەرگەڕا بەهۆیەوە شۆفێرەكەی برینداربوو كە لەدایكبووی 1989یە و تیمی هاتوچۆی ناحیەی باوەنور لێكۆڵینەوەیان لە رووداوەكە دەستپێكردووە.
