كەسێكی تەمەن سەروو 50 ساڵ لە سەیدسادق كوژرا و بەڕێوەبەری فریاكەوتنی خێرا دەڵێت، تەرمەكەی بۆ پزیشكی دادوەری گوازراوەتەوە.
سامان نادر، بەڕێوەبەری سەنتەری فریاكەوتنی خێرای سلێمانی بە تۆڕی میدیایی ئێستای راگەیاند، كوژراوەكە تەمەنی 57 ساڵە، لەلایەن تیمەكانیانەوە بۆ نەخۆشخانە و دواتر بۆ پزیشكی دادوەریی سلێمانی گوازراوەتەوە.
رووداوەكە ئێوارەی ئەمڕۆ لە گەڕەكی شەهیدانی قەزاكە بووە و قوربانییەكە دەستڕێژی گوللـە-ی لێكراوە.
بەپێی زانیارییە نافەرمییەكان كوژراوەكە پیشەی کڕین و فرۆشتنی ئۆتۆمبێل دەكات.
