هەرچەندە بڕیاربوو، كاتژمێر 5ی ئێوارەی ئەمڕۆ كۆبوونەوەی پەرلەمانی عێراق بۆ دەنگدان لەسەر پڕۆژەیاسای بودجە و تەواوكردنی دەنگدان لەسەر بڕگەكانی بودجە دەستپێبكات، بەڵام بەهۆی تەواونەبوون و ئامادەنەبوونی رێژەیاسایی پەرلەمانتاران كۆبوونەوەكە دواخرا.
بەپێی زانیارییەكان، زەنگی دەستپێكردنی كۆبوونەوەی پەرلەمانی عێراق لێدرا و بڕیاردرا كۆبوونەوەكە دوابخرێت تا ئەو كاتەی رێژەی یاسایی تەواو دەبێت.
بڕیارە ئەمڕۆ دەنگ لەسەر ئەو بڕگەیە بدرێت كە تایبەتە بە گەڕاندنەوەی پاشەكەوتی مووچەی فەرمانبەران.
