كەمێك لەمەوبەر، باڵاخانەی “پلازا مۆڵ” لە شاری كەركوك گڕیگرت.
مۆڵەكە دەكەوێتە شەقامی “ڕێگای بەغداد” و نزیك بە پارێزگای كەركوك-ـە. هۆكاری ئاگركەوتنەوەكە، بەكارهێنانی یاریی ئاگرینە بەهۆی ئاهەنگی شەوی سەری ساڵەوە، لەپڕ پریشكی ئاگر بەر كەرەستەكانی قاتی سەرەوەی مۆڵەكە كەوتووە و ئاگری لە شوێنەكە بەرداوە.
بە گوێرەی زانیارییەكانی “تۆڕی میدیایی ئێستا” ئاگركەوتنەوەكە تەنها زیانی مادی لێكەوتووەتەوە و زیانی گیانی بەدواوە نەبووە، تیمەكانی بەرگریی شارستانی كەركوك لە شوێنی ڕوداوەكەن و هەوڵی كۆنترۆڵكردنی ئاگرەكە دەدەن.
