تەندروستیی سلێمانی رایدەگەیەنێت، مانگی رابردوو 665 بوژانەوەی دڵ بۆ هاوڵاتییان لە نەخۆشخانەی پسپۆڕییەكانی دڵ لە سلێمانی ئەنجامدراوە.
بەپێی ئامارێكی بەڕێوبەرایەتیی گشتیی تەندروستیی سلێمانی لە ماوەی مانگی ئایاری رابردوودا لە نەخۆشخانەی پسپۆرییەكانی دڵ لە شاری سلێمانی هەزار و 639 نەخۆش سەردانیان كردووە و 825 نەخۆش داخڵكراون بە مەبەستی وەرگرتنی چارەسەر.
هەر لەو ماوەیەدا 665 بوژانەوەی دڵ ئەنجامدراوە و 24 نەشتەرگەری دڵ و 219 قەستەرە و 127 باڵۆن و هەشت پەیس مەیكەر لە نەخۆشخانەی پسپۆرییەكانی دڵ ئەنجامدراوە.
هاوكات 320 پشكنینی سیتی سكان، 374 ئیكۆ، 453 هێڵكاری دڵ ئەنجام دراوە و 91 چارەسەری سروشتی كراوە و 109 تیشك گیراوە.
