توێژینەوەیەكی نوێ دەڵێت، ئاوێتەیەك لە هەنگوینی ئەسڵیی هەنگ دەتوانێت خانە شێرپەنجەیییەكان لەماوەی 60 خولەكدا لەناوببات، وەك ئەوەی گۆڤاری (نیچەر)ی زانستی بڵاویكردووەتەوە.
زانایان لە پەیمانگای هاری بیركنز بۆ توێژینەوە پزیشكییەكان لە ڕۆژئاوای ئوسترالیا تاقیكردنەوەیان لەسەر هەنگوینی زیاتر لە 300 هەنگ و هەنگی Bumblebee دژ بە دوو جۆری شێرپەنجەی مەمك ئەنجامدا
بۆیان دەركەوت ئاوێتەیەكی هەنگوین كە بە (میلیتین) ناودەبرێت دەتوانێت خانە شێرپەنجەییەكان لەماوەی كاتژمێرێكدا لەناوببات، بەبێ ئەوەی زیانی بۆسەر خانەكانی دیكە هەبێت.
(میلیتین) بە پێكهاتەی چالاكی هەنگوینی هەنگ دادەنرێت، بریتییە لە زنجیرەیەك كە 26 ترشی ئەمینی بارگاوی.
توێژەران دەڵێن، ئاوێتەكە توانای بەئامانجگرتنی خانە شێرپەنجەییەكانی هەیە، ئاشكراشیانكرد كە بەكارهێنانی لەگەڵ دەرمانی دیكەی كیمیایی دەبێتە خۆی دروستكردنی كونیلە لە پەردەی خانە شێرپەنجییەكان، ئەمەش وادەكات چارەسەرەكان باشتر بچنە ناو خانەكانەوە.
دەشڵێت، تاقیكردنەوەكانی ئەم توێژینەوەیە تەنها لە تاقیگەدا كراون، باوەڕیشیان وایە دەكرێت ئاوێتەكە دەستكرد و پیشەسازی وەك چارەسەری شێرپەنجەی مەمك دروستبكرێت.
ماریلینا تاورۆ توێژەری بواری شێرپەنجەی مەمك لە ناوەندی موفیت بۆ شێرپەنجە لە ویلایەتە یەكگرتووەكان دەڵێت، سەرەڕای ئەوەی توێژینەوەكە مایەی سەرنجە، بەڵام پێویستی بە لێكۆڵینەوەی زیاترە بەر لەوەی بكرێتە دەرمانێك و بەكاربهێنرێت.
