سێرجیۆ ڕامۆس، کاپتنی پێشووی ئیسپانیا ئامۆژگاریی هاری کەین دەکات و داوای لێدەکات گرێبەستی ڕیاڵ مەدرید ڕەت نەکاتەوە.
سێرجیۆ ڕامۆس بە “دەیلی میرەر”ی بەریتانی ڕاگەیاندووە، “ئامۆژگاری من بۆ هەر یاریزانێک ئەوەیە، کە ڕیاڵ مەدرید ڕەت نەکاتەوە، چونکە ڕیاڵ یانەیەکی تایبەتە و دەزانێت چۆن ناسناوەکان بباتەوە.”
بەرگریکارەکەی پێشووی ڕیاڵ دەڵێت، “هاری کەین لە ڕووی جەستەییەوە زۆر بەهێزە و توانای هەبووە چەندین گۆڵ تۆماربکات، بەڵام هێشتا پێموایە نەگەیشتووە بە ترۆپکی تواناکانی، ڕیاڵ مەدرید دەرفەتێکی گونجاوە بۆ گەیشتن بەو ئاستە، یاریزانێکی ناوازەیە و دەتوانێت ئەو کارە بکات.”
ڕۆژنامەی مارکا نووسیویەتی، ڕیاڵ مەدرید بەفەرمی هەنگاوەکانی بۆ گواستنەوەی کەین دەستپێکردووە، بە ئەگەرێکی زۆرەوە گرێبەستەکەی لە سنووری (80 ملیۆن پاوەند) واژۆدەکرێت.
