بەڕێوەبەرایەتیی ئاوی سلێمانی بڵاویکردەوە، پیسکردنی ئاوی دەریاچەی دووکان لەلایەن گەشتیارانەوە کێشە بۆ دابەشکردنی ئاوی هاوڵاتییان دروستددەکات.
بەڕێوەبەرایەتیی ئاوی دووکان ژمارەیەک وێنەی ئاوی دەریاچەی دووکانی بڵاوکردووەتەوە کە ژمارەیەکی زۆر دەبەی ئاوی پلاستیکی و پاشەڕۆی دیکەی تێدایە و رایگەیاندووە، “هەندێک گەشتیار لە کاتی سەیرانکردن پاشەڕۆ و دەبەی ئاو دەکەنە ناو دەریاچەکەوە، ئەمەش دەبێتە پیسبوونی دەریاچەکە و گرفت بۆ دابەشکردنی ئاوی خواردنەوەی هاووڵاتیان دروستدەبێت”.
پێشتر بەختیار تاهیر بەڕێوەبەری ئاوی سلێمانی بە تۆڕی میدیایی ئێستای راگەیاندبوو، “بۆ دابینکردنی ئاوی خواردنەوەی گەڕەکەکانی ناو شار پشت بە هەردوو پرۆژەی ئاوی دوکان و سەرچنار دەبەستین، هەر کێشەیەکی وەک کوژاندنەوەی کارەبا شکانی بۆرییەک یان هەر کێشەیەکی دیکە رووبدات کێشە لە کاتی دابەشکردنی ئاو دروست دەبێت”.
