خاوەنی یانەی ئەی سی میلان، جێری کاردینالی لە دوایین کۆبوونەوەدا دەستبەرداربوونی لە پاولۆ ماڵدینی و فریدریک ماسارای بەڕێوەبەرانی یانەکە ڕاگەیاندووە.
بەپێی زانیارییەکانی “کالچیۆ مێرکاتۆ”، جێری کاردینالی خاوەنی ئەی سی میلان هەریەک لە پاولۆ ماڵدینی و فریدریک ماسارای بەڕێوەبەرانی یانەی ئاگادارکردووەتەوە، کە بۆ وەرزی نوێ لە ئەرکەکانیان بەردەوام نابن.
👉 Legali al lavoro, non dovrebbe trattarsi di dimissioni per Maldini ma di una decisione di Cardinale dopo il summit di oggi @cmdotcom
— Daniele Longo (@86_longo) June 5, 2023
ماڵدینی پێگەیەکی ئەفسانەیی لەنێو هاندەران و یاریزانانی “ڕۆسۆنێری”دا هەیە، هەروەها پەیوەندییەکی توندوتۆڵی لەگەڵ یاریزاناندا پێکهێناوە، ئەوەش وایکردووە چەندین یاریزان لە نموونەی مایک ماینان و تیۆ هێرناندێز و ڕافائێل لیاو و زۆرینە بە بڕیارە چاوەرواننەکراوەکە قایل نەبن.
سەرچاوەکە نووسیویەتی، بڕیارەکەی کاردیناڵی لە داهاتوودا کێشەی ناوخۆیی گەورە دروستدەکات و ماڵی میلانی دەخاتە سەر ئاگر.
