لەسەر سكاڵای سێ هاوڵاتی كە دزییان لێكرابوو تۆمەتبارێك لەلایەن هێزەكانی پۆلیسی سلێمانییەوە دەستگیركرا.
بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی سێ هاوڵاتی سكاڵایان تۆماركرد كە دزییان لێكراوە و پارە و كەلوپەلی دوكانەكانیان دزراوە، مەفرەزەكانی بەشی پۆلیسی نەهێشتنی تاوانی سلێمانی لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر، توانرا تۆمەتبار بدۆزرێتەوە دەستگیربكرێت.
تۆمەتبار (س.ك.خ.) بە بڕیاری دادوەر و بەپێی ماددەی 443 لە یاسای سزادانی عێراقی راگیراوە، وەك ئەوەی لە راگەیەندراوەكەی پۆلیسدا هاتووە.
دەشڵێت، تۆمەتبار پێشینەی تاوانی هەیە بە دزیكردن.
