سوپای ئیسرائیل رایدەگەیەنێت، عەلی شادمانی، سوپاسالاری نوێی ئێران لە هێرشێکدا کوژرا.
لە راگەیەندراوێکی سوپای ئیسرائیلدا هاتووە، بە پشتبەستن بە زانیاریی یەکەی هەواڵگریی سەربازی و کەڵکوەرگرتن لە دەرفەتێکی تایبەتی ئۆپراسیۆن لە شەودا، هێزی ئاسمانیی ئیسرائیل بارەگایەکی فەرماندەیی چالاکیان لە دڵی تاران، کردەئامانج و عەلی شادمانی-یش لەو هێرشەدا کوژرا.
شادمانی، چوار رۆژ پێش ئێستا و پاش کوژرانی غوڵام عەلی رەشید، سوپاسالاری ئێران، بە فەرمانی عەلی خامنەیی، رێبەری باڵای وڵاتەکە، وەک شوێنگرەوەی ناوبراو دیاریکرا.
