چەند کاتژمێرێک دوای کوشتنی موحسین فەخیرزادە، بەرپرسانی ئێران ڕاستەوخۆ ئیسرائیلیان بەوە تۆمەتبارکرد کە دەستی هەیە لە پشت تیرۆرەکەوە.
لە یەکەم کاردانەوەدا محەمەد جەواد زەریف، وەزیری دەرەوەی ئێران ڕایگەیاند، ” ئەو زانا ئێرانییە لەلایەن تیرۆریستانەوە کراوەتە ئامانج و ڕاشیگەیاند کە ئاماژەی جدی ھەیە لەسەر ئەوەی کە ئیسرائیل ڕۆڵی ھەبووە لەو ھێرشە تیرۆریستییەی کە کراوەتەسەر فەخریزادە”.
لە کاردانەوەی کوشتنی زانا ئەتۆمییەکەدا حەسەن ڕۆحانی، سەرۆکۆماری ئێران لە کۆبوونەوەی لیژنەی ڕوبەڕوبونەوەی کۆرۆنادا ڕایگەیاند، “تۆڵەی کوشتنی موحسین فەخیرزادە دەکەینەوە و لە شوێن و کاتی خۆیدا تۆلەی ئێران دەبینن”.
هاوکات ڕابەری شۆڕشی ئیسلامی لە ئێران لە تویتێکدا ڕایگەیاند، ” ئەوانەی موحسین فەخریزادەیان کوشتووە، بە سزای خۆیان دەگەن و دەبێت بەدواداچون بکرێت بۆ ئەو تیرۆرە و تاوانباران بە سزابگەن”.
دو موضوع مهم را همه‌ی دست‌اندرکاران باید به جِدّ در دستور کار قرار دهند:
۱- نخست پیگیری این جنایت و #مجازات_قطعی عاملان و آمران آن
۲- پیگیری تلاش علمی و فنی شهید فخری‌زاده در همه‌ی بخشهائی که وی بدانها اشتغال داشت.— KHAMENEI.IR | فارسی (@Khamenei_fa) November 28, 2020
کۆی ئاماژەی لێدوانی بەرپرسانی ئێران بەو ئاڕاستەدایە کە ئیسرائیل لە پشتی تیرۆری موحسین فەخیرزادەوەیە و بەرپرسانی ئێران هەڕەشەی تۆڵەسەندنەوە دەکەن.
لەدوای کاردانەوەی بەرپرسانی ئێران و تۆمەتبارکردنی ئیسرائیل بەم کردەوەیە، ئیسرائیل کۆی باڵیۆزخانەکانی لە جیهان ئاگادارکردوەتەوە کە ئامادەی هەر جوڵەیەک بن لە دژیان.
