بەرەبەیانی ئەمڕۆ یەکشەممە، سێرجیۆ ڕیکۆی گۆڵپارێزی یانەی پاریس سان جێرمان ڕووداوێکی ناخۆشی بەسەردا هاتووە و بەپەلە گەیاندراوەتە نەخۆشخانە.
بەگوێرەی زانیارییەکانی ڕۆژنامەی “ئەی ئێس”، ڕیکۆ سەرلەبەیانی ئەمڕۆ لە کاتی ئەسپسواریدا لە شاری ئیشبیلیە تووشی ڕووداوێک بووە و سروشت و وردەکاریی ڕووداوەکە ناڕوونە، بەڵام سەرچاوەکان باس لەوە دەکەن کە لە ئەسپەکەی کەوتووەتە خوارەوە، هەندێکی دیکەش پشتڕاستی دەکەنەوە کە ئەسپێکی دیکە بەسەریدا کەوتووە و ئێسکی سەر و بڕبڕەی پشتی تووشی پێکان کردووە.
یاریزانەکە بە هەلیکۆپتەرێکی پزیشکی گواستراوەتەوە بۆ ژووری فریاکەوتنی نەخۆشخانەیەکی ئیشبیلیە و بۆری هەناسەدانی بۆ دانراوە، “کانال کۆر”ی ئیسپانیش ئاماژەی بەوەکردووە، کە باری تەندروستی ناجێگیرە.
