ئەفسانەی زیندووی یانەی بەرشلۆنە، لیۆ مێسی چاوپێکەوتنێک لەگەڵ کەناڵی “لا سیستا”ی ئیسپانی ئەنجامدەدات و دووپاتیدەکاتەوە، لە بەرشلۆنە بەختەوەرە.
چاوپێکەوتنەکەی “پوڵگا” لە پڕۆگرامی ئالمن بڕیارە یەکشەممەی داهاتوو بڵاوبکرێتەوە، بەڵام “ڕایۆ کەتەلۆنیا” پێشوەخت بڕگەیەکی بڵاوکردووەتەوە، تیایدا دەڵێت، ” ڕاستی ئەوەیە ئێستا خۆشحاڵم، ڕاستە هاوینی ڕابردوو بە بارودۆخێکی زۆر خراپدا گوزەرمکرد، ئەوەش پەیوەندی بە ڕووداوەکانی پێشووەوە هەبوو، ململانێکان چۆن کۆتاییان هات و پاشان بیورۆفاکسەکە و هەموو ئەوانە.. لەسەرەتای وەرز بەشێک لەم ڕووداوانە کاڵ بوونەوە، ئەمڕۆ لە بارودۆخێکی باشدام حەزوئارەزوی ململانێکردنی سەرجەم ئەو نازناوانەم هەیە کە بەشدارین تیایاندا”.
هەروەها دەڵێت، “بە جۆشم بۆ یاریکردن و چنینەوەی نازناوەکان، دەشزانم یانەکەمان لەسەر ئاستی کارگێڕی و هونەری بە دۆخێکی ناهەمواردا تێپەڕدەکات، هەموو ئەو کێشانەی لە چواردەوری بارسا کۆبوونەتەوە ئاڵۆزتربوون، بەڵام وەک وتم من دەمەوێت بجەنگم”.
لێدوان و چاوپێکەوتنی مێسی هاوکاتە لەگەڵ ئەو دەنگۆیانەی ئاماژە بە گواستنەوەی دەکەن ڕووە و یەکێک لە یانەکانی مانچستەر سیتی، یان پاریس سانت جێرمان.
زۆرینەی میدیاکانی کەتەلۆنیا دووپاتیانکردووەتەوە، ئەم وەڵامە هیوایەکە جادوگەرەکەی ئەرجەنتین بە هەوادارانی ئازولگرانای بەخشیوە و مانەوە و بەردەوامبوونی لە هەرێمی کەتەلۆنیا پشتڕاستدەکاتەوە.
