جێگری سەرۆكی فراكسیۆنی یەكێتی لە پەرلەمانی كوردستان رایدەگەیەنێت، هیچ پڕۆسەیەك بۆ كاراكردنەوەی كۆمسیۆن رووینەداوە و دەشڵێت، “لە پەرلەمان شەڕبووە و نەك كۆبوونەوە و كاراكردنەوەی كۆمسیۆن”.
لوقمان وەردی جێگری سەرۆكی فراكسیۆنی یەكێتی لە پەرلەمانی كوردستان لە لێدوانێكدا بە تۆڕی میدیایی ئێستای راگەیاند، “لە دوا كۆبوونەوەی پەرلەماندا هیچ پڕۆسەیەك بۆ كاراكردنەوەی كۆمسیۆن رووینەداوە و ئەو رۆژە لە نێو پەرلەماندا شەڕبووە و ئەوەی دەڵێت كۆمسیۆن كاراكراوەتەوە با بەڵگەیەك یاخود گرتەیەكی ڤیدیۆیی بڵاوبكاتەوە كە كۆمسیۆن كاراكراوەتەوە”.
راشیگەیاند، ئەوەی دەوترێت سەبارەت بە كاراكردنەوەی كۆمسیۆن گاڵتەرجارییە بە پڕۆسەی سیاسی لە هەرێمی كوردستان.
