وابڕیارە سەرەتا ئەم هەفتەیە کۆمسیۆنی باڵای هەڵبژاردنەکانی عێراق، وەڵامی تانەی حزب و لایەنەکان بداتەوە.
جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق رایگەیاند، دەستکراوە بە وردبینیکردن و ئامادەکردنی وەڵامەی تانەی حزب و لایەنەکان، پاشا تەواوکردنیان، وەڵامەکان بەرزدەکرێنەوە بۆ دەستەی دادوەری.
وتیشی، بەگوێرەی یاسا، کۆمسیۆن حەوت رۆژی لەبەردەستدایە بۆ وەڵامدانەوەی تانەکان و ناردنیان بۆ دەستەی دادوەری، هەروەها دەستەی دادوەریی هەڵبژاردنەکان ماوەی 10 رۆژیان لەبەردەستە بۆ بڕیاردان لەسەر تانەکان.
