لیژنە هاوبەشەکانی قائیمقامیەتی سلێمانی دەستیان بەسەر 12 کارتۆن پسکیتتدا گرت کە ماوەی بەسەرچوونەکەی درێژکرابووەوە.
قائیمقامیەتی سلێمانی ئەمڕۆ سێشەممە بڵاویکردەوە، “بەهۆی بەسەرچوونی ماوەکەی لە بەرواری 19 ی 11 ی 2022 و درێژکردنەوەی بۆ 8ی 8ی 2023 لیژنە هاوبەشەکان دەستیان بەسەر 12 کارتۆن پسکیتی هاوردەکراودا گرتووە کەشیاوی خواردن نییە”.
ئاماژەی بەوەشکرد، “پسکیتەکە لەجۆری (وایفهر)ـی ئێرانییە و 40کارتۆنە کە 480 پارچەیە، بە فەرمانی قائیمقامی سلێمانی لەناودەبرێت و خاوەنەکەشی رووبەڕووی رێکاری یاسایی دەکرێتەوە”.
قائیمقامیەتی سلێمانی داوای لە دایکان و باوکان کردووە، بە وریاییەکی زیاترەوە ئاگاداری ئەو خواردن و خوادنەوانە بن کە مناڵەکانیان لە دوکانی گەڕەک و نزیک ماڵەکانی خۆیان دەیکڕن و دەیخۆن.
