دوای نیوەڕۆی ئەمڕۆ لە تونێلی پێشڕەو ئۆتۆمبێلێک ئاگری گرت و بە ماوەیەکی کەم توانرا ئاگرەکە کۆنتڕۆڵ بکرێت.
پەیامنێری تۆڕی میدیایی ئێستا گواستییەوە، “دوای نیوەڕۆی ئەمڕۆ لەناو تونێلی پێشڕەو ئۆتۆمبێلێک لە جۆری کیا قەمەرە، ئاگری گرت و توانرا لەلایەن تیمەکانی بەرگری شارستانییەوە بە زوویی کۆنتڕۆڵبکرێت”.
ئاشکراشیکرد، “ئاگرەکە جگە لە زیانی ماددی هیچ زیانێکی گیانی بەدواوە نەبووە، دوای کۆنتڕۆڵکردنیشی لەرێگەی ئۆتۆمبێلی بەرزکەرەوە توانراوە ئۆتۆمبێلە سووتاوەکە ببرێتە دەرەوە”.
لە ئێستادا رێگەی تونێلەکە بەڕووی شۆفێراندا کراوەتەوە و هاتوچۆ ئاسایی بووەتەوە.
