هێزێكی پۆلیس دوای ئاگاداركردنەوەیان لە بوونی تیمساحێك لە كەناراوێكدا، بە كەرەستەی تەواوەوە دەچنە شوێنەكە، بەڵام لەوێ تووشی سەرسووڕمان دەبن.
دەركەوتنی دیمەنەكە لە كەناراوێكی ویلایەتی فلۆریدای ئەمریكا بووە، بەوەش ترس و تەنانەت وەك میدیای ئەمریكی دەڵێت، “تۆقاندن و سەرلێشێواندنی لەناو خەڵكدا دروستكردووە و هەڵاتوون”.
بەپێی سەرچاوەكان كە لە نزیكەوە رووماڵی رووداوەكەیان كردووە، كاتێك هێزێكی پۆلیس بە تەواوی كەرەستەی تایبەت بە مامەڵەكردن لەگەڵ دۆخێكی هاوشێوەدا دەگەنە كەناراوەكە، دەردەكەوێت ئەوەی بینراوە پەیكەرێكی لمینی تیمساحە و لە كەناراوەكەدا داتاشراوە، نەك تیمساحێكی راستەقینە.
رووداوەكە لەگەڵ دەركەوتنی راستییەكەدا بووە بە تەنز و تەنانەت خوودی پۆلیسی ناوچەكە، لە تۆڕی كۆمەڵایەتیی فەیسبووك بە تەنزەوە پۆستیان كردووە.
