لەلایەن هێزەكانی پۆلیسی سلێمانییەوە كەسێك بە تۆمەتی بەكارهێنانی ماددەی هۆشبەر دەستگیركرا.
بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی گومان لە كەسێك کرا کە بەكارهێنەری ماددەی هۆشبەر بێت، هێزەكانیان لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر، لەلایەن بنكەی پۆلیسی هەواری شارەوە دەستگیركرا و دوای ناردنی راپۆرتی پزیشكی دەركەوت كە تۆمەتبار بەكارهێنەری ماددەی هۆشبەرە.
لەئێستادا تۆمەتبار (ز.ب.ر. لەدایكبووی 1988) بە بڕیاری دادوەر و بەپێی یاسای بەرەنگاربوونەوەی ماددە هۆشبەرەكان راگیراوە، وەك ئەوەی پۆلیس ئاماژەی پێداوە.
