بڕیارە دوای چەند مانگێك مۆدێلی نوێی ئایفۆن بخرێتە بازاڕەوە و زانیارییەكانیش شێوە و تایبەتمەندیی ئامێرەكە ئاشكرادەكەن.
بەپێی زانیارییەكانی ماڵپەڕی ” Unknownz21″ كە لەبارەی ئایفۆن 15ـی كۆمپانیای ئەپڵەوە بڵاویكردوونەتەوە، ئامێری ئایفۆن 15ـی پرۆماكس زوومێكی پێریسكۆپ لەخۆدەگرێت و بەوەش توانای وێنەگرتنی زۆر ورد و ئاستبەرز دەبێت و لە كاتی نزیككردنەوەی دیمەنی وێنەگیراودا، كوالێتیی وێنەكە دانابەزێت.
ئاشكراشیكردووە، رامی ئامێرەكە هەشت گێگابایت دەبێت و شوێنی بارگاویكردنەوەشی دەگۆڕدرێت بۆ شێوازی تایپ سی و بەوەش لەگەڵ بەرهەمی زۆرێك لە كۆمپانیاكانی دیكەی دروستكردنی ئامێری مۆبایلدا یەكانگیر دەبێت.
