ئەمشەو بەهۆی كێشەی زەوی و زارەوە رێگای ئامێدی-دێرەلوك بۆ ماوەیەك داخرا.
پەیامنێری تۆڕی میدیایی ئێستا گواستییەوە، كەمێك پێش ئێستا بەهۆی كێشەی زەوی و زار لە نێوان دوو گوندی ناحیەی دێرەلوك لە سنووری قەزای ئامێدی، بۆ ماوەیەك رێگای سەرەكی نێوان ئامێدی و دێرەلوك داخرا.
وتیشی، “دوای داخستنی رێگاكە هێزێكی ئەمنی گەیشتوونەتە شوێنی رووداوەكە و رێگاكەیان كردەوە و موختاری گوندی گوهەرزێ كە كێشەیان لەگەڵ گوندێكی تر ھەبووە، دەستگیركراوە و تائێستا ئازاد نەكراوە”.
