بەپێی پێشبینییەكانی كەشناسی، ئەمڕۆ ئاسمانی شارەكانی هەرێم بۆ هەوری تەواو دەگۆڕێت و سبەی بارانبارین لە زۆرینەی شارەكان دەستپێدەكاتەوە، لەگەڵ ئەگەری بەفربارین لە ناوچە شاخاوییە سنوورییەكان.
بەڕێوەبەرایەتی گشتیی كەشناسی و بومەلەرزەزانیی هەرێمی كوردستان پێشبینییەكانی كەشوهەوای ئەمڕۆ و سبەینێی بڵاوكردەوە و دەڵێت، ئەمڕۆ ئاسمانی شارەكان لە نیمچەهەورەوە بۆ هەوری تەواو دەبێت، لەگەڵ ئەگەری پروشكە باران لە هەندێك ناوچەكە.
وەك پێشتریش پێشبینی كرابوو، سبەینێ ئاسمان هەوری تەواو دەبێت، لەگەڵ دەستپێكردنی بارانبارین لە دوانیوەڕۆوە و ئەگەری بەفربارین لە ناوچە سنوورییەكانی پارێزگا جیاوازەكان.
بارانەكەی سبەی دەبێتە دەستپێكی دووەم شەپۆل كە پێشتر كەشناسیی هەرێم هۆشداریی لەبارەوە دابوو، پێشبینیدەكرێت هەوایەكی ساردی لەگەڵدابێت و كاریگەرییەكەی چەند ڕۆژێك بخایەنێت.
شەپۆلی یەكەمی بارانبارین ئێوارەی پێنجشەممەی ڕابردوو دەستیپێكرد و بەرەبەیانی هەینی لە هەولێر لافاوی لێكەوتەوە و بەهۆیەوە 12 هاوڵاتی گیانیان لەدەستدا و زیانێكی زۆری ماددیشی بە خانوو، كۆگا و ئۆتۆمبێلی هاوڵاتییانی شارەكە گەیاند.
كەشوهەوای شارەكان بەپێی پێشبینییەكانی كەشناسیی هەرێم:
