ئەمڕۆ زیاتر لە 216 ملیۆن دۆلار لەلایەن بانكی ناوەندییەوە فرۆشراوە و نرخی هەر دۆلارێك بەرامبەر بە 1310 دینار بووە.
بۆ دووەم رۆژ لەسەر یەك، بانكی ناوەندیی عێراق بڕێكی زۆری دۆلاری خستە بازاڕەوە و بڕەكەی 216 ملیۆن و 446 هەزار و 450 دۆلارە.
191 ملیۆن و 946 هەزار و 450 دۆلار لەو پارەیەی ئەمڕۆ بانكی ناوەندی فرۆشتوویەتی، بە شێوەی حەواڵە بووە و 24 ملیۆن و 500 دۆلاریش بە كاش فرۆشراوە.
بانكی ناوەندی سەرجەم ئەو دۆلارانەی بە نرخی 1310 دینار بۆ هەر دۆلارێك فرۆشتووە و هەردوو شێوازی فرۆشتنی دۆلار كە حەواڵە و كاش دەگرێتەوە، بە هەمان نرخ خراونەتەڕوو.
