بەڕێوەبەرایەتیی گشتیی هاتوچۆی سلێمانی، هاوڵاتییان لەبارەی لە مۆڵەتی شۆفێرییەوە ئاگاداردەكاتەوە.
ئەمڕۆ یەكشەممە لە راگەیەندراوێكدا بەڕێوەبەرایەتیی گشتیی هاتوچۆی سلێمانی رایگەیاند، ئاگاداری هاوڵاتییان دەکەین ئەمڕۆ بەهۆی وەستانی سیستمی بەشی مۆڵەتەوە، سەرجەم ئەو هاوڵاتییانەی رۆژی شەممە لە وێبسایتی هاتوچۆی سلێمانی کۆدی سەردانیکردنیان وەرگرتبوو، دەتوانن سبەینێ دووشەممە بە هەمان کۆد سەردانی بەشی مۆڵەت بکەن، بە مەبەستی راییکردنی مامەڵەکانیان.
هاتوچۆی سلێمانی دەڵێت، “ئەمڕۆ یەکشەممە لە وێبسایتی هاتوچۆی سلێمانی نۆرەگرتنی ئەلیکترۆنی بۆ وەرگرتنی کۆدی سەردانیکردن بەردەست نابێت، بە مەبەستی راییکردنی مامەڵەی ئەو هاوڵاتییانەی رۆژی شەممە کۆدیان وەرگرتووە و لە سبەینێ دووشەممە کاتژمێر حەوتی ئێوارەوە، وێبسایتەکە دووبارە بەردەستدەبێتەوە”.
