كەمێك پێش ئێستا سێ بومەلەرزە لە كەلار و دەوروبەری روویاندا و بەشێكی هاوڵاتییانی شارەكە هەستیان پێكردووە.
ئاسۆ كەمال بەڕێوەبەری كەشناسی و بومەلەرزەزانیی سلێمانی لە لێدوانێكدا بە تۆڕی میدیایی ئێستای راگەیاند، كاتژمێر 5:18 خولەكی ئێوارەی ئەمڕۆ بومەلەرزەیەك بە گوڕی 4.5 پلە پێوەری رێختەر لە نێوان كەلار و قەسڕی شیرین روویداوە و دوای ئەوەش دوو بومەلەرزەی دیكە لە سنوورەكە روویداوە كە گوڕەكەی 3.5 بۆ 3 پلە بە پێوەری رێختەر بووە و بەشێكی هاوڵاتییان هەستیان پێكردووە.
