دەرهێنەری زنجیرە درامای گەردەلوول جەلیل زەنگەنە لە لێدوانێكی تایبەتدا بە تۆڕی میدیایی ئێستای راگەیاند، وێنەگرتنی بەشی چوارەمی درامای گەردەلوول بەشێكی لە پارێزگای هەڵەبجە دەبێت و تایبەت بە كارەساتی بۆردومانكردنی هەڵەبجە بە چەكی كیمیایی و بەشێكی دیكەشی كە تایبەتە بە كارەساتی ئەنفال دەبرێتە گەرمیان.
راشیگەیاند، بەشی چوارەمی گەردەلوول باس لە رووداوەكانی ساڵانی 1981 تا 1991 و تا كاتی كۆڕەوەكە دەكات لە ئێستادا سیناریۆكەی ئامادەیە و چاوەڕوانی تەرخانكردنی بودجە دەكەین.
لەبارەی چارەنووسی شوێنی ئەكتەرە كۆچكردووەكانیش بۆ بەشی چوارەمی دراماكە، جەلیل زەنگەنە ئاماژەی بۆ ئەوەش كرد، گۆڕانكاری لە بەشی چوارەمی سیناریۆكە كراوە و بۆیە بەشێك لەو هونەرمەندانەی رۆڵیان لە پێشتردا بینیووە لە بەشی چوارەمدا رۆڵیان پێنەدراوە و وتیشی، “بۆ بەشی چوارەمی دراماكە هەوڵمداوە نوێگەری بكەم”.
