شارەوانیی سلێمانی رایدەگەیەنێت، كاركردن لە یەكتربڕی فاروق بەردەوامە و پڕۆژەكە چووەتە قۆناغێكی نوێوە
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە و كاركردن لە یەكتربڕی فاروق بەردەوامە و پڕۆژەی ستراتیژیی یەكتربڕی فاروق چووەتە قۆناغێكی نوێوە و كاركردن بەشەو و ڕۆژ بەردەوامە.
لە راگەیەندراوەكەدا هاتووە، بە دەستخۆشییەوە بۆ كۆمپانیای جێبەجێكار لەژێر سەرپەرشتیی تیمی ئەندازیاریی شارەوانیمان جێبەجێیدەكەن و جێی ئاماژەپێكردنە كە یەكتربڕی فاروق دەكەوێتە سەر شەقامی بازنەیی مەلیك مەحمود بە تەواوبوونی كێشەی ئاستەنگیی هاتوچۆ بۆ ئەو ناوچەیە چارەسەردەكات.
