لەدوای دەستبەکاربوونی وەک پادشای نوێی بەریتانیا چارلزی سێیەم بووە قوربانی زیرەکی دەستکرد و چەندین وێنە و گرتە ڤیدیۆی دروستکراوی لە تۆڕە کۆمەڵایەتییەکان بڵاوکرایەوە.
لە یەکێک لەو گرتە و وێنانەی شا چارلز تێیدا دەردەکەوێت جلێکی رەنگ پرتەقاڵی لەبەردایە و لەکەنار دەریا سەما دەکات و ئاهەنگ دەگێڕێت.
وێنە و گرتە ڤیدیۆییەکانی چارلز هەزاران جار شەیر کراونەتەوە و کۆمێنتی جۆراوجۆریان بۆ هاتووە.
ئاژانسی هەواڵی فرانس پرێس راستکردنەوەی بۆ بەشێک لە وێنە و گرتەکان کردووە و ئاشکرایکردووە هیچ کام لەوانە راست نین و لە رێگەی زیرەکی دەستکردی (میدجۆرنی) دروستکراون.
رێکەوتی شەشی ئەم مانگە لە رێورەسمێکی شاهانەدا هەریەکە لە چارلزی سێیەم و کامێلای هاوسەری وەک پادشا و شاژنی بەریتانیا دەستبەکاربوون.
