باڵیۆزی ئەمریكا لە عێراق لەبارەی كۆبوونەوەكەی ئەمڕۆ رایدەگەیەنێت، با لەسەر گوڕی ئەم هەنگاوە گرنگە هەوڵی بونیادنەرانە بەرەو پێشەوە بنێین.
ئەلینا رۆمانۆسكی، باڵیۆزی ئەمریكا لە عێراق لە تویتێكدا رایگەیاند، دەستخۆشی لە هەردوو سەركردایەتی مەسرور بارزانی سەرۆكی ئەنجومەنی وەزیران و قوباد تاڵەبانی جێگری سەرۆک وەزیرانی هەرێمی کوردستان بۆ كۆبوونەوەیان بۆ دەستكردن بە چارەسەرکردنی کێشەکان لە رێگەی دیالۆگەوە.
دەشڵێت، “وڵات هەموو سوودمەند دەبێت كاتێك سەرکردەکانی سەرنجی خۆیان دەخەنەسەر پێداویستییەکانی خەڵک”.
لە بەشێكی دیكەی تویتەكەیدا باڵیۆزی ئەمریكا لە عێراق ئەوەش دووپاتدەكاتەوە، “با لەسەر گوڕی ئەم هەنگاوە گرنگە هەوڵی بونیادنەرانە بەرەو پێشەوە بنێین”.
I commend the leadership of KRG PM @masrourbarzani and DPM @qubadjt to come together to begin to resolve issues through dialogue. The whole country benefits when its leaders are focused on the needs of the people. Let’s build on the momentum of this significant step forward.
— Ambassador Alina L. Romanowski (@USAmbIraq) May 8, 2023
ئەمڕۆ قوباد تاڵەبانی، جێگری سەرۆكی حكومەتی هەرێم سەردانی مەسرور بارزانی، سەرۆكی حكومەتی كرد و كۆبوونەوەیەكیان ئەنجامدا.
پێشتریش باربارا لیف، یاریدەدەری وەزیری دەرەوەی ئەمریکا تویتێكی قوباد تاڵەبانی لەبارەی كۆبوونەوەكەوە دووبارە بڵاوكردەوە و نووسیویەتی، “جوڵەیەكی نایاب”
لە تویتەكەدا جێگری سەرۆك وەزیران نووسیویەتی، “ئێمە پێکەوە یەکگرتووین، لەو باوەڕەدام کە دەتوانین بەسەر تەحەددیاتەکانماندا زاڵ بین، کاربکەین بۆ باشتر خزمەتکردنی هاوڵاتیانمان و، بەهێز بمێنینەوە لە بەرامبەر ئەو مەترسییە زۆرانەی کە رووبەڕووی هەرێمی کوردستان دەبێتەوە”.
