وەزیری ئاوەدانکردنەوە و نیشتەجێکردن رایگەیاند، دەبوو پرۆژەی دوو سایدکردنی رێگای نێوان سلێمانی – کەلار لە ساڵی 2014 تەواوببووایە، بەڵام لەبەرئەوەی کارکردنی ئەو کۆمپانیایەی جێبەجێکردنی پرۆژەکەی پێسپێردراوە وەک پێویست نییە دواکەوتووە.
دانا عەبدولکەریم وەزیری ئاوەدانکردنەوە و نیشتەجێکردن بە تۆڕی میدیایی ئێستای راگەیاند، کارکردن لە پرۆژەی دوو سایدکردنی رێگای نێوان سلێمانی – کەلار دەبوو لە ساڵی 2013 ەوە تەواوبوایە، دواتریش لە 2014 ەوە کارکردن تێیدا راوەستا تا 2019 بەهۆی قەیرانی داراییەوە.
ئاماژەی بەوەشکرد، لە 2019 ەوە کارکردنمان لە پرۆژەکەدا دەستپێکردەوە و بودجەی پێویستیشمان بۆ تەرخانکرد، بەڵام پرۆژەکە لای کۆمپانیایەکی ئێرانییە کە کارکردنی وەک پێویست نییە و کێشەی ئیداری خۆیان هەیە و ناشتوانین بەو ئاسانییە گرێبەستەکە هەڵوەشێنینەوە.
