بەڕێوەبەرایەتیی گشتیی پاسپۆرت و نشینگەی كەركوك، خشتەی سەردانیكردنی هاوڵاتییانی بۆ دەرهێنان و نوێكردنەوەی پاسپۆرت بڵاوكردەوە.
بەپێی خشتەكە، شار و شارۆچكە و ناحیەكانی سەر بە پارێزگای كەركوك و بەشێك لەو شوێنانەش كە سەر بە پارێزگای سەڵاحەدینن و پاسپۆرتەكانیان خراونەتەسەر كەركوك، كاتی سەردانیكردنیان جیاكراوەتەوە و كاتەكان بەسەر رۆژەكانی هەفتەدا دابەشكراون.
بەڕێوەبەرایەتیی گشتیی پاسپۆرتی كەركوك ئاشكراشیكردووە، رۆژانی یەكشەممە بۆ دانیشتووانی ئازادی، رەحیم ئاوا، داقوق و شوان تەرخانكراون، رۆژانی دووشەممە دانیشتووانی خورماتوو، تازە، ئامرلی، سلێمان بەگ.
ئاماژەی بۆ ئەوەش كردووە، لە رۆژانی چوارشەممەی هەفتەكاندا، هاوڵاتییانی دانیشتووی سنووری دوبز، رەشاد، قەرەحەسەن، ریاز و قۆرییە و رۆژانی پێنجشەممەش دانیشتووانی سنووری زاب، عەباسی، عەدالە، مقداد و قودس دەتوانن مامەڵەی پاسپۆرت لە كەركوك پێشكەشبكەن.
