هۆڵەندا بڕیاریدا گەشتە ئاسمانییەكانی لەگەڵ شانشینی یەكگرتوو لەمڕۆوە هەڵبپەسێرێت، ئەمەش پاش دەركەوتنی جۆرێكی نوێی ڤایرۆسی كۆرۆنا لە بەریتانیا.
حكومەتی هۆڵەندا ئەمڕۆ یەكشەممە 20ی كانونی یەكەم لە بەیاننامەیەكدا ڕایگەیاند، قەدەغەكردنەكە بەردەوام دەبێت تا 1ی كانونی دووەمی داهاتوو.
ئاماژەی بەوەشكرد كە چاودێری پێشهاتەكان دەكات و تاوتوێی ڕێوشوێنی دیكە دەكات سەبارەت بە هۆكارەكانی دیكەی گواستنەوە.
هۆڵەندا ئاشكراشیكرد لە سەرەتای ئەم مانگەدا چەند حاڵەتێكی هەمان جۆری ڤایرۆسەكەی بەریتانیای لە وڵاتەكەی بەدیكراوە.
قەدەغەكردنەكە لەكاتێكدایە ئێوارەی دوێنێ بۆریس جۆنسۆن، سەرۆكوەزیرانی بەریتانیا و زانایان ئاشكرایانكرد كە جۆرێكی نوێی ڤایرۆسی كۆرۆنا لە وڵاتەكەیاندا بڵاوبووەتەوە.
