لە گرتەیەکدا کە خۆی تۆماریکردووە ڤۆلۆدیمێر زیلینسکی سەرۆکی ئۆکرانیا لە شەقامەکانی کیێڤ دەردەکەوێت و دەڵێت، “ئێمە لێرەین بۆ بەرگریی لە سەربەخۆییمان”.
لە گرتەکەدا ڤۆلۆدیمێر زیلینسکی سەرۆکی ڕوسیا، دەنیس شمیگال سەرۆک وەزیرانی وڵاتەکە، بەرپرسی نوسینگەکەی و ڕاوێژکاری نزیکی سەرۆکی ئۆکرانیا دەردەکەون.
💬Президент України Володимир Зеленський:
“Всі ми тут – захищаємо нашу Незалежність, нашу державу! Так буде й надалі. Слава нашим захисникам і захисницям! Слава Україні!🇺🇦” pic.twitter.com/hojX94ONDI— Defence of Ukraine (@DefenceU) February 25, 2022
زیلینسکی دەڵێت، “ئێمە هەموومان لێرەین، سەربازەکانمان لێرەن، هاوڵاتیان و کۆمەڵگای نێودەوڵەتی هەموومان لێرەین بۆ بەرگریکردن لە سەربەخۆیی وڵاتەکەمان”.
هەروەها وتی، “دوژمن ئێمەی وەک یەکەم ئامانج دیاریکردووە..خێزانەکەم ئامانجی دووەمیانە، ئەوان دەیانەوێت سیستمی سیاسیی ئۆکرانیا وێران بکەن لەڕێگەی ڕووخاندنی سەرۆکەکەیەوە”.
جەختیکردەوە، “من لە پایتەخت دەمێنمەوە و خێزانەکەشم لێرەن لە ئۆکرانیا”.
ئەمە لەکاتێکدایە پێشتر ژمارەیەک لە سەرکردەکانی جیهان نیگەرانییان لە دیارنەمانی ڤۆلۆدیمێر زیلینسکی سەرۆکی ئۆکرانیا پیشاندا و سەرۆکی ئیتالیا وتی، “زیلینسکی وەڵامی تەلەفۆنەکەم ناداتەوە و ڕوون نییە چارەنووسی چییە”.
