بەپێی ئامارێکی جیهانی لە عێراقدا رێژەی وەچەخستنەوە بۆ هەر ژنێک بە تێکڕا 3.6 ە و بەمەش عێراق پلەی 14 یەمی جیهانی لە ریزبەندی وەچەخستنەوە گرتووە.
پێگەی جیهانی ئاماری لە تۆڕی کۆمەڵایەتیی تویتەر ریزبەندی وڵاتانی جیهانی لە وەچەخستنەوەدا بڵاوکردووەتەوە و بەپێی ئەوەش، “وڵاتی نایجیریا لە پلەی یەکەمدایە و بە تێکڕا هەر ژنێک لە وڵاتەکەدا 6.9 جار منداڵی دەبێت و لە دوای ئەویش سۆماڵ دێت بە 6.4 بۆ هەر ژنێک و وڵاتی چادیش بە 6.3 لە پلەی سێیەمدایە”.
هەر بەپێی ریزبەندییەکە عێراق لە پلەی 14 یەمیندایە و هەر ژنێک 3.6 جار دووگیان دەبێت.
ئامارەکە ئاشکرایدەکات، کۆریای باشوور کۆتایی ریزبەندییەکەی گرتووە و هەر ژنێک بە تێکڕای 0.8 جار دووگیاندەبێت و منداڵی دەبێت.
