لیژنەکانی چاودێریی قائیمقامیەتی سلێمانی داخستنی ئارایشتگایەکی خانمانی راگەیاند کە مۆڵەتی قائیمقامیەت و تەندروستی نەبووە، جگە لەوەی بەبێ بڕوانامە و مۆڵەت تاتوی دروستکردووە.
لە راگەیەندراوێکدا قائیمقامیەتی سلێمانی بڵاویکردەوە، بەهۆی پابەندنەبوونی ئارایشتگای “بزە” لە گەڕەکی سلێمانیی تازە بە مەرج و رێنماییەکانەوە هەروەها بەهۆی نەبوونی مۆڵەتی تەندروستی و قائیمقامیەتەوە داخرا.
بەپێی راگەیەندراوەکە لەو ئارایشتگایەدا بەبێ بوونی بڕوانامە و مۆڵەت تاتو دروستکراوە.
جەختکراوەتەوە کە دوای داخستنی ئارایشتگاکە خاوەنەکەی رووبەڕووی رێکاری یاسایی دەکرێتەوە.
ئاماژە بەوەکراوە، بەپێی رێنماییەکانی وەزارەتی تەندروستی، پێویستە ئەو کەسەی تاتو دروست دەکات خاوەنی بڕوانامە بێت و لەلایەن وەزارەتی تەندروستییەوە مۆڵەتی کارکردنی وەرگرتبێت.
