بەڕێوەبەرایەتیی ئاسایشی پارێزگای هەولێر ئاشکرایکرد، ئەو باندەی کە پێشتر هەشت ئۆتۆمبێلیان دزیبوو بەناوی هەلی کارەوە دەستگیرکران و دەدرێنە دادگا.
لە ڕاگەیەندراوێکدا بەڕێوەبەرایەتیی ئاسایشی پارێزگای هەولێر ڕایگەیاند، “پاش ڕووداوی فێلکردن و دزینی هەشت ئۆتۆمبێل بە ناوی هەلی کار لە دوو ڕۆژی ڕابردوودا لە شاری هەولێر، تیمەکانی لێکۆلینەوە و بەدواداچوونی بەڕێوەبەرایەتیمان بەهاوکاریی پۆلیسی هەولێر ئەمشەو توانییان ئەو باندە دەستگیربکەن”.
ئاماژەی بەوەشکردووە، ئەو کەسانە دەدرێنە دادگا بۆ وەرگرتنی سزای یاساییان.
