یانەی ڕیاڵ مەدرید لەبەردەم بەهێزترین تاقیکردنەوەی وەرزی 2022/2023دایە، دانی سیبایۆس ناچارە کەلێنی پێکانی لوکا مۆدریچ پڕبکاتەوە.
بەپێی زانیارییەکانی ڕۆژنامەی “ئەی ئێس”، لوکا مۆدریچ یارییەکانی ئەلمیریا و ڕیاڵ سۆسیداد “لالیگا”، هەروەها مانچستەر سیتی “چامپیۆنزلیگ” و فاینەڵی “کۆپا دێل رێ” بەرامبەر ئۆسوسانا لەدەستدەدات.
کارلۆ ئەنچیلۆتی چەندین چارەسەری لەبەردەستدایە و دەکرێت کاماڤینگا، چوامینی و ڤاڵڤێردی، یاخود ناچۆ لە ناوەندی بەرگریکردندا بەکاربخات، بەڵام هەموو ئەگەرەکان بەو ئاراستەیەن دانی سیبایۆس ئەو ئەرکە لەئەستۆ بگرێت.
سیبایۆس لەڕووی هونەرییەوە نزیکترینە بۆ جێگرتنەوەی مۆدریچ، ڕۆژنامەی “ئەی ئێس” نووسیویەتی: براوە دەبێت، یان هەموو شتێک لەدەستدەدات.
لە ئەگەری سەرکەوتندا گرێبەستەکەی نوێدەکرێتەوە، بەپێچەوانەشەوە مشتومڕی نوێکردنەوەی گرێبەستەکەی ئاراستەیەکی دیکە دەگرێت.
