لەگەڵ ئەوەی ماوەی دوو رۆژە دۆخی سودان تاڕادەیەک رووی لە هێوربوونەوە کردووە، ژمارەی ئەو کەسانەی لەسەرەتای دروستبوونی گرژی و ئاڵۆزییەکانەوە بۆ گیانیان لەدەستداوە بۆ 387 کەس بەرزبووەتەوە.
سەندیکای پزیشکانی سودانی بڵاویکردەوە، “لەسەرەتای تێکچوونی بارودۆخی سودان 387 هاوڵاتیی مەدەنی گیانیان لەدەستداوە، ئەمە جگە لە کوژراو و بریندار لە ریزی سەربازانی وڵاتەکە، ئەمەش لەکاتێکدایە %68 ی نەخۆشجانەکانی دەکەونە ئەو ناوچانەی دۆخی ئەمنیان تەواونییە لە کار وەستاون و تەنها 25 نەخۆشخانە لەکاردان”.
ئاماژەی بەوەشکردووە، “ژمارەیەک لەنەخۆشخانەکان بەر بۆردومانەکان کەوتوون ، ژمارەیەکی زۆر لە پزیشک و کارمەندانی تەندروستی لە ترسی گیانی خۆیان کارەکانیان بەجێهێشتووە”.
ئەمە لە کاتێکدایە، لە شەوی 24ی ئەم مانگە بە نێوەندگیری ئەمریکا سوپای سودان هێزەکانی پشتیوانی خێرا لەسەر هێورکردنەوەی دۆخەکە رێکەوتن، بەڵام لە بەیانی ئەمڕۆوە گرژییەکان جارێکی دیکە دەستیانپێکردەوە..
