قوباد تاڵەبانی لەگەڵ جێگری سەرۆك وەزیرانی یۆناندا كۆبووەوە

قوباد تاڵەبانی، جێگری سەرۆك وەزیرانی هەرێم لەگەڵ پاناگیوتیس پیكرامینۆس، جێگری سەرۆك وەزیرانی یۆنان كۆبووەوە و پێكەوە تاوتوێی دۆخی سیاسی و ئەمنی و ئابوریی هەرێمی كوردستان و عێراق و ناوچەكەیان كرد.

كۆبوونەوەكە ئەمڕۆ هەینی و لەپەراوێزی كۆڕبەندی ساڵانەی ئابوریی دیڵفی لە یۆنان بەڕێوەچوو، باس لە دواپێشهات و گۆڕانكارییە ئابوری و سیاسییەكان لە كوردستان و عێراق و ناوچەكە كران.

جێگری سەرۆك وەزیرانی حكومەتی هەرێم، بە هاوتا یۆنانییەكەی راگەیاند، كارەكانی ئەم كۆڕبەندە لەكاتێكدایە كە ركابەرییە جیهانییەكان لەسەر ئاستی ئابوری و سیاسی بەرەو زیادبوون دەچێت، بۆیە ئەم كۆڕبەندە وەكو پێویستییەك كاریگەری زۆرباشی دەبێت بە ئاڕاستەی چارەسەركردنی گرفتە هەنووكەییەكان.

لەتەوەرێكی تری كۆبوونەوەكەدا تاوتوێی چۆنییەتی پتەوكردنی پەیوەندییەكانی هەرێمی كوردستان و وڵاتی یۆنان كرا و جەختكرایەوە لەسەر پێویستیی سوود وەرگرتنی هەرێم لە ئەزموونی پێشكەوتووی یۆنان لە بوارە جیاجیاكان و هەنگاوەكانی چاكسازی لە سیستمی حكومڕانیدا.

#ئێستا

بابەتی پێشتر

وەزیری نەوتی عێراق: سۆمۆ ئەركی هەناردەكردنی نەوتی هەرێم وەردەگرێت

بابەتی دواتر

پلاسخارت: دۆخی ئازادیی رادەربڕین لە عێراق و هەرێمی كوردستان جێگەی نیگەرانییە

بابەتی پەیوەندیدار
زیاتر ببینە

هه‌ر ئۆتۆمبێلێك دوکەڵبكات ده‌ستی به‌سه‌ردا ده‌گیرێت

بەپێی بڕیارێکی بەڕێوەبەرایەتی هاتووچۆی هەولێر،هه‌ر ئۆتۆمبێلێك دوکەڵبكات ده‌ستی به‌سه‌ردا ده‌گیرێت. به‌ڕێوه‌به‌رایه‌تیی هاتووچۆی پارێزگای هەولێربڵاویکردەوە، بەمەبەستی پاکراگرتنی ژینگەی شارو…
Total
0
Share