بەڕێوەبەرایەتیی گشتیی كەشناسی و بومەلەرزەزانیی هەرێم رایدەگەیەنێتن ئەمڕۆ ئاسمان پەڵەهەور و نیچمەهەور دەبێت و سبەینێ لە هەندێك ناوچە ئەگەری نمەباران هەیە، لەكاتەكانی دوانیوەڕۆش ئەگەری دروستبوونی تۆز و خۆڵێكی كەم هەیە.
بەپێی راگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە ئەمڕۆ هەینی، ئاسمان پەڵەهەور و نیمچەهەور دەبێت لە هەندێك ناوچە هەوری تەواو دەبێت، لە ناوچە شاخاوییەكانی باكووری هەرێم ئەگەرێكی لاواز هەیە بۆ كەمێك نمەباران، پلەكانی گەرماش 1-2 پلە بەرزدەبنەوە بە بەراورد بە تۆماركراوەكانی دوێنێ.
لە راگەیەندراوەكەدا هاتووە، سبەی شەممە ئاسمان لە نێوان نیمچە هەور و هەوری تەواو دەبێت، ئەگەری نمەباران لە كات و ناوچەی جیا جیا هەیە لە كاتەكانی دوای نیوەڕۆ ڕێژەی دابارین لە ناوچە شاخاوییە سنووریەكان زیاتر دەبن و لە هەندێك ناوچە لە ئەنجامی زیادبوونی خێرایی با ئەگەری هەبوونی تۆز و خۆڵێكی كەم هەیە.
بەرزترین پلەكانی گەرمای پێشبینیكراو بە پلەی سیلیزی:-
هەولێر : 30 پلەی سیلیزی
سلێمانی : 27 پلەی سیلیزی
دهۆك : 29 پلەی سیلیزی
كەركوك : 34 پلەی سیلیزی
هەڵەبجە : 28 پلەی سیلیزی
زاخۆ : 29 پلەی سیلیزی
سۆران : 26 پلەی سیلیزی
گەرمیان : 36 پلەی سیلیزی
