یانەی ڕیاڵ مەدرید خواستی لەسەر واژۆکردنی بۆندی جود بێلینگهامی یاریزانی بوروسیا دۆرتمۆندە، بڕیاریشە لە داهاتوویەکی نزیکدا کۆبوونەوەی لەگەڵدا ئەنجامبدەن.
ڕۆژنامەی “مارکا” لە زاری سەرچاوە ناوخۆییەکانی یانەی ڕیاڵ مەدریدەوە بڵاویکردووەتەوە، کە بەهۆی هەوڵەکانی یانەی لیڤەرپوڵ و چێڵسییەوە بابەتی گواستنەوەی جود بێلینگهام ئاڵۆز بووە.
فلۆرنتینۆ پێرێزی سەرۆکی یانەی شاهانە بڕیاریداوە هەمان تەکتیکی ئۆریلین چوامینی لەگەڵ بێلینگهام بەکاربخات، بۆ ئەو مەبەستەش لە چەند ڕۆژی داهاتوودا نوێنەری خۆی ئاراستەی ئەڵمانیا دەکات و لەگەڵ یاریزانەکە و لێپرسراوی کارەکانی کۆدەبنەوە، بەو جۆرە هەوڵدەدەن لە یانە ئینگلزییەکانی دووربخەنەوە و پێشوەختە ڕێککەوتنی سەرەتایی لەگەڵدا واژۆبکەن.
