بەڕێوەبەرایەتیی تەندروستیی هەولێر رایدەگەیەنێت، بەهۆی پابەندنەبوونی كەسوكاری نەخۆشێك گرژی لە نێوان كەسوكاری نەخۆش و فەرمانبەرانی پرسگە دروستبووە كە پابەندی رێنماییەكان نەبوون.
بەپێی راگەیەندراوێكی بەڕێوەبەرایەتیی تەندروستیی هەولێر تێیدا هاتووە، دوای پێدانی رێنمایی لەلایەن فەرمانبەرانی پرسگەی نەخۆشخانە بە كەسوكاری نەخۆش دوای پابەندنەبوونیان گرژی دروستبووە كە بەشێك لە كەسوكاری نەخۆش هاوەڵی نەخۆش بوون لە نێو نەخۆشخانە و بەشێكیان بەپێی ڕێنمایی لەدەرەوەی نەخۆشخانە رێگانەدراوە بچنەژوورەوە لەبەربوونی جەنجاڵی و هۆكارەكانی چارەسەركردن لەلایەن پزیشكان و كارمەندان.
لە راگەیەندراوەكەدا هاتووە، لەئێستادا دۆخەكە ئاساییە هیچ كەسێك بەگوللە بریندارنەكراوە.
