ئاسایشی سلێمانی دەستگیركردنی دوو كەسی بە تۆمەتی هەڕەشە، فێڵ و جادووكردن لە ئافرەتان راگەیاند.
بەپێی راگەیەندراوێكی بەڕێوەبەرایەتیی ئاسایشی پارێزگای سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە و
13ی ئەم مانگە لە شاری سلێمانی هێزەكانمان توانیان دوو تۆمەتبار دەستگیربكەن كە لەدایكبووی ساڵی 1975 و 1985ن و بە تۆمەتی هەڵخەڵەتاندن و فریودان و هەڕەشەكردن لە ئافرەتان و زۆرلێكردنیان بۆ كاری بەدڕەوشتی و جادوو و نوشتەكردن دەستگیربكەن.
لە راگەیەندراوەكەدا هاتووە، چەندین ئافرەت بوونەتە قوربانی و لە ژێر هەڕەشەدا بەكاریانهێناون، دوای گەڵاڵە بوونی زانیاریی تەواو و وەرگرتنی بڕیاری دادوەر، بەپێی ماددەی 2ی یاسای خراپ مامەڵەكردن بە ئامێرەكانی پەیوەندی و دەستدرێژی بۆ سەر ئافرەتان و جادووكردن، تۆمەتباران دەستگیركران.
لە راگەیەندراوەكەدا هاتووە، دەستگیرا بەسەر چەكێكی جۆری ئێم فۆڕ، دوو دەمانچە، چەندین چەقۆ و خەنجەر، بڕێك پارەی ساختە، چەندین پەرتووك بۆ فێربوونی دوعا و نوشتە، مەوادی نوشتە و جادوو و دواتر تۆمەتباران رووبەڕووی یاساكرانەوە لێكۆڵینەوە لە دۆسیەكەیان بەردەوامە.
