لەلایەن لیژنە هاوبەشەكانی قائیمقامیەتی سەیدسادقەوە دەستبەسەر هەشت لاشەی ئاژەڵدا گیرا كە بە ناتەندروستی سەربڕدرابوون و ئامادەكرابوون بۆ فرۆشتن.
ئەمڕۆ لەلایەن لیژنە هاوبەشەکانی قائیمقامیەتی سەیدسادق دەستگیرا بەسەر هەشت لاشەی ئاژەڵدا كە بەشێوەیەکی ناتەندروست سەربڕدرابوون و، هەندێکیان هەڵگری چەندان نەخۆشی و ڤایرۆسی گواستراوەن بۆ مرۆڤ و گۆشتەکانیان لەبەر تیشکی خۆر خراپ بوو بوون و نەشیاو بوون بۆ خواردن.
قائیمقامیەتی قەزای سەیدسادق داوا لە هاوڵاتییان دەكات لەپێناو پاراستنی تەندروستیی خۆیان و خێزانەکانیان، خۆیان بەدووربگرن لە کڕینی ئەم جۆرە گۆشتانە، کە لەسەر شەقام و کۆڵانەکان بەبێ پشکنین و چاودێریی پزیشکی ڤێترنەری سەردەبڕێن و دەفرۆشرێن.
