بەر لە بڕیاری دادگای باڵای وەرزشیی ئیسپانیا، فیدراسیۆنی تۆپی پێی ئەوروپا (یوێفا) تاوتوێی سزادانی پێشوەختەی یانەی بەرشلۆنە دەکات.
ڕۆژنامەی (ئەی ئێس)ی ئیسپانی زانیاریی نوێ لەبارەی دۆسیەی نیگرێرا و یانەی بەرشلۆنە بڵاودەکاتەوە، دووپاتیشی دەکاتەوە، کە ئەگەر هەیە فیدراسیۆنی تۆپی پێی ئەوروپا چاوەڕوانی بڕیاری دادگا نەکات و سزا بەسەر یانە کەتەلۆنییەکەدا بسەپێنێت.
دادگای وەرزشی بە هاوکاری فیدراسیۆنی تۆپی پێی ئیسپانیا لێکۆڵینەوەی لە دۆسیەی بەرتیلدانی بارسا بە نیگرێرای جێگیری پێشووی لیژنەی ناوبژیوانانی “لالیگا” دەستپێکردووە و کەیسەکە بەردەوامە.
بەپێی سەرچاوەکە، (یوێفا) بیر لەوە دەکاتەوە بۆ ماوەی ساڵێک بەرشلۆنە لە چالاکییە ئەوروپییەکان سڕبکات، کە ئەوەش کاریگەری خراپی دەبێت.
