كەمێك لەمەوبەر لە بازاڕی كۆنەفرۆشانی شاری هەولێر، شەڕ لە نێوان دوو هاوڵاتیدا روویدا و تەقەی تیادا كراوە.
شەڕەكە لە بازاڕی ناسراو بە “لەنگە”ی شاری هەولێر روویداوە و پەیامنێری تۆڕی میدیایی ئێستا لە هەولێر گواستییەوە، لە نێوان دوکاندارێكی بازاڕی لەنگە و شۆفێری تەکسییەکدا دەمەقاڵێ روویداوە و پاشان بووە بە شەڕیان.
وتیشی، دواتر شەڕەكە پەرەیسەندووە و شۆفێری تاكسییەكە تەقەیکردووە و چەند گولـلەیەكی تەقاندووە، بەڵام شەڕەكە قوربانیی لێنەكەوتووەتەوە.
ئاماژەی بۆ ئەوەش كرد كە تا ئێستا بەهۆی شەڕ و تەقەكردنەكەوە، هیچ كەس و تۆمەتبارێك دەستگیرنەكراون.
#ئێستا
