كەشناسیی هەرێمی كوردستان پێشبینییەكانی كەشوهەوای ئەمڕۆ و سبەینێی ناوچەكانی هەرێمی بڵاوكردەوە، پلەكانی گەرما زیاتر نزمدەبنەوە و ئەگەری نمەباران لە ناوچە جیاجیاكان و بارینی بەفر لە شاخەكان هەیە.
لە ڕاگەیەندراوێكدا بەڕێوەبەرایەتیی كەشناسی و بومەلەرزەزانیی هەرێمی كوردستان ڕایگەیاندووە، ئەمڕۆ دووشەممە ئاسمان لە نێوان نیمچەهەور و هەوری تەواو دەبێت، بەرزترین پلەی گەرمیی پێشبینیكراویش 21 پلە دەبێت.
بەڵام بەپێی پێشبینییەكانی كەشناسی، سبەینێ سێشەممە، پلەكانی گەرما نزمدەبنەوە بۆ 18 پلە و ئاسمان لەنێوان نیمچەهەور و هەوری تەواو دەبێت، ئەگەری نمەباران هەیە لە پارێزگاكان و هەروەها بەفربارین لە شاخەكانی كوردستان لە كاتی بەیانیدا.
هەربەپێی پێشبینیەكانی كەشناسی، مەودای بینین لەنێوان نۆ تا 10 كیلۆمەتردەبێت و خێرایی با 10 تا 15 كیلۆمەتربێت لە كاتژمێرێكدا.
