وەزارەتی سەرچاوە ئاوییەکانی عێراق بڵاویکردەوە، ئەو شەپۆلی بارانبارینەی لە چەند رۆژی رابردوودا ناوچەکەی گرتەوە سوودێکی زۆری بۆ بوژاندنەوەی سەرچاوە ئاوییەکانی عێراق هەبووە و چەند دەرئەنجامێکی خێرای هەبووە.
خالید شمال وتەبێژی وەزارەتی سەرچاوە ئاوییەکانی عێراق رایگەیاند، “بڕی عەمبارکراوی ستراتیژی ئاو دوو ملیار مەتر چوارگۆشە زیادیکردووە، ئەمەش لە ئەنجامی ئەو بڕە زۆرە ئاوەی کە بەنداو و دەریاچەکان لە ئاوی باراناوی چەند رۆژی رابردوو کۆیان کردووەتەوە”.
وتیشی، “بڕی عەمبارکراوی ئاوی زۆرینەی بەنداوەکان لە ئاستی قبوڵکراودایە، وەک بەنداوی عەزیم و دەربەندیخان و دوکان و حەمرین و موسڵ و حەدیسە جگە لەو بەنداوە بچوکانەی دەکەونە هەرێمی کوردستانەوە، جگە لەوەی هۆرەکان بوژاونەتەوە ئاستی ئاوی دیجلە و فورات بەرزبوونەتەوە “.
لە چەند رۆژی رابردوودا عێراق شەپۆلێکی بارانبارینی بەهێزی دوو رۆژەیی بەخۆیەوە بینی، کە لەماوەی چەند ساڵی رابردوودا ئەمە یەکەمجارە بارانبارینی بەو رێژەیە لەو ماوەیەدا بەخۆیەوە ببینێت.
