دەسەڵاتی دادوەریی عێراق، بەهۆی هەڕەشە و خۆپیشاندانی لایەنگرانی سەدرەوە، سەرجەم كارەكانی دادگای فیدراڵی و دادگاكانی ڕاگرت.
بەپێی ڕاگەیەندراوێكی دەسەڵاتی داوەریی عێراق، ئەمڕۆ سێشەممە لە كۆبوونەوەیەكی ئەنجومەنەكە لەگەڵ دادگای فیدراڵیدا، كە بە شێوەی ئەلیكترۆنی ئەنجامدراوە، بڕیاریانداوە كارەكانی دادگاكانی سەر بە دەسەڵاتی دادوەری و دادگای فیدراڵی ڕابگرن.
هۆكاری بڕیارەكەش بۆ خۆپیشاندانەكانی لایەنگرانی ڕەوتی سەدر لە بەردەم ئەنجومەنی دادوەری و ئەو هەڕەشانەوەیە كە لە دەسەڵاتی دادوەری كراون، تا پەرلەمان هەڵبوەشێننەوە.
لە بەشێكی دیكەی ڕاگەیەندراوەكەدا هاتووە، بەهۆی ئەو ڕەفتارە نا دەستووری و نا یاساییانەوە هەڵگرتنی بەرپرسیارێتییەكەی لە ئەستۆی حكومەتە و پێویستە ڕایانبگرێت.
